स्थळ : जालना – शुक्रवार, 14 नोव्हेंबर 2025

आमदार नारायण कुचे भारतीय जनता पार्टीच्या पारनेर सर्कलच्या मेळाव्यात उपस्थित राहून स्थानिक स्वराज्य संस्थांच्या निवडणुकांसाठी त्यांनी मार्गदर्शन केले. या मेळाव्यात पारनेर सर्कलचे सर्व ग्रामस्थ उपस्थित होते. यामध्ये जमलेल्या सर्व कार्यकर्त्यांचे त्यांनी आभार व्यक्त केले. ते म्हणाले कार्यकर्त्यांची मेहनत मतदारांचा विश्वास आणि विचार या कारणामुळे मला तिसऱ्यांदा पारनेर सर्कलच्या मतदारांनी आमदार केले याबद्दल त्यांनी कृतज्ञता व्यक्त केली.

ग्रामस्थांशी बोलताना त्यांनी विचारले की यापूर्वी राष्ट्रवादी आणि काँग्रेसने गेल्या पाच वर्षात काय कामे केली ज्यामुळे त्यांना तुम्ही निवडून दिले. ते म्हणाले हरदखेडा ते पानेगाव रस्ता माझ्या काळात झाला, मठ पिंपळगाव सारंगपूर नागझरीला कबरीस्तानसाठी निधी दिला तरी सुद्धा या ठिकाणाहून मला विधानसभेत मत पडली नाही, याची खंत त्यांनी व्यक्त केली. हरद खेडा या ठिकाणी विरोधकांनी काय काम केले याबद्दल त्यांनी कडाडून जाब विचारला.

पण जिल्हा परिषद निवडणुकीत या ठिकाणी कमी मतदान पडता कामा नये, त्यावर कार्यकर्त्यांनी लक्ष देऊन काम करावे मतदाराला आपल्या कामाबद्दल विश्वास निर्माण करावा आणि जे मतदार इमानदार आहेत त्यांच्या पाठीशी उभे रहा असा सल्ला त्यांनी आपल्या कार्यकर्त्यांना दिला. या निवडणुकीत राहुल डोंगरे यांचा मतदारांनी विचार करावा व त्याच्या पाठीशी उभी राहावे असे उद्देशून त्यांनी सांगितले.

ते म्हणतात माणूस हा कर्तुत्वाने मोठा होतो कोणत्या जाती धर्माने नाही. पारनेर सर्कल मधून जिल्हा परिषद उमेदवार निवडून आणा व तसेच बिहारच्या निवडणुकीचा संदर्भ देत ते म्हणाले मतदार हा भारतीय जनता पक्षाच्या पाठीशी खंबीरपणे उभा आहे. लाडकी बहीण योजना ही चालू आहे ती बंद पडणार नाही असं मी भाषणात सांगत होतो पण विरोधक याचा आप प्रचार करत होते. केंद्र सरकार आपल्याला पीएम, नमो योजना देतो असे ते आपल्या भाषणात म्हणाले. कार्यकर्त्यांनी ही गोष्ट घराघरात जाऊन सांगितली पाहिजे आणि शिवसेना म्हणजेच (उद्धव ठाकरे गट ), राष्ट्रवादी, काँग्रेस ने काय दिले हे सुद्धा सांगितले पाहिजे असे ते म्हणाले.

भारतीय जनता पार्टी राज्याचे आणि देशाचे नेतृत्व करतंय देवेंद्र फडणवीस राज्याचे नेतृत्व योग्य पद्धतीने करत आहेत रावसाहेब दानवे बबनराव लोणीकर यांचे हात बळकट करण्यासाठी पारनेर सर्कलने भारतीय जनता पार्टीचाच उमेदवार निवडून आणावा असा आव्हान त्यांनी मतदारांना केले. त्यांनी त्यांच्या भाषणात कल्याण काळे वर सुद्धा निशाणा लगावला व त्यांनी स्वतःच कल्याण केलं व मतदारांना वाऱ्यावर सोडला आहे असे ते म्हणाले.

सगळे जिल्हा परिषद मेंबर,पंचायत समिती मेंबर,आमदार,मुख्यमंत्री होत नसतात. ज्याच्यात गुण असतात तोच त्या पदावर जात असतो त्यामुळे प्रत्येकाने निवडणुकीचा अट्टहास करू नये. मतदार होऊन आपली जबाबदारी ओळखावी व संविधानाप्रमाणे वागावे असे ते म्हणाले. कोणत्याही शेतकऱ्याच अनुदान थांबवता येत नाही जर तसे केले तर मी त्यांच्या पाठीशी उभा आहे. जायकवाडी पाण्याचा सुद्धा निकाल लागणार आहे त्यासाठी खाल पासून ते वर पर्यंत सरकार आपला असल पाहिजे त्यासाठी आपण एकत्र येऊ. तसेच ते म्हणाले प्रत्येक निवडणूक माझ्यासाठी महत्त्वाची आहे. जिल्हा परिषद,पंचायत समिती नगरपरिषद आणि ग्रामपंचायत चा सरपंच सुद्धा भारतीय जनता पार्टीचाच असला पाहिजे अस झालं नाही तर निधी माझ्या हातात असतो आणि तो कोणाला द्यायचं हेही मी त्यावेळी विचार करील असा इशारा सुद्धा बोलताना त्यांनी दिला.

लेखक-जितेंद्र खिल्लारे.