स्थळ : अंबड , जालना – शुक्रवार, 28 नोव्हेंबर 2025

अंबड मध्ये होणाऱ्या नगरपरिषद निवडणुकीच्या पार्श्वभूमीवर माजी मंत्री अब्दुल सत्तार, अर्जुन खोतकर आणि हिकमत उढान यांच्या उपस्थितत जाहीर सभा पार पडली. या सभेमध्ये प्रमुख आकर्षण म्हणजे अब्दुल सत्तार यांचे भाषण होते ते शिवसेना (शिंदे गटाचे) सिल्लोड मतदारसंघाचे आमदार आहेत व ते यापूर्वी मंत्री सुद्धा राहिलेले आहेत.

या सभेत बोलताना त्यांनी सांगितले आमच्या मतदारसंघांमध्येसुद्धा (सिल्लोड ) निवडणूक होणार आहे. आमच्याकडे 54 हजार मतदार आहेत, 28 नगरसेवक असतात आणि एक नगराध्यक्ष असतो चुकून एखादा पडतो, नाही तर सगळेच निवडून येतात. मी या ठिकाणी सना पटेल यांच्या प्रचारार्थ आलो आहे. पण मी येताना पाहिलं की या ठिकाणी रस्त्यांचा अभाव आहे व जे आहेत त्यावर खूप खड्डे पडलेले आहेत आणि जवळच पैठण जायकवाडी धरण असून सुद्धा पाणी वेळेवर येत नाही,याची त्यांनी खंत व्यक्त केली.

तसेच बोलताना त्यांच्या जुन्या आठवणी जागृत झाल्या, ते म्हणाले हीकमत उढान हे निर्वाचन आयोगात अधिकारी होते, आणि ते सिल्लोडला आले असता मी पहिल्यांदा सिल्लोड मतदार संघात आमदारकीसाठी उमेदवार होतो व मी निवडून सुद्धा आलो आणि आज पर्यंत मी पडलो नाही. या गोष्टीचा त्यांनी अभिमान व्यक्त केला व म्हणाले त्या पाठीमागे माझे काम आहे कारण मी सिल्लोड साठी विदर्भातून खडकपूर या ठिकाणाहून पाणी आणले व नागरी सुविधा उपलब्ध करून दिल्या त्यामुळे मी आज पर्यंत आमदार हे पद भूषवत आहे व येणाऱ्या काळात सुद्धा मीच भूषवेल असा त्यांनी निर्धार व्यक्त केला.

अंबड या ठिकाणी सुद्धा एकनाथ शिंदे मुख्यमंत्री असताना निधी पाठवला पण त्याचा या ठिकाणी वापर झाला नाही, असे ते उद्देशून म्हणाले. अंबड ही खूप जुनी नगरपालिका आहे तरीसुद्धा या ठिकाणी पायाभूत सुविधा नाही अंबड व सिल्लोड ची तुलना करत त्यांनी सांगितले की सिल्लोड ही 1990 ची नगरपालिका आहे यापूर्वी सिल्लोड ही ग्रामपंचायत होती त्यावेळी सुद्धा आम्ही शेवटचा सरपंच होतो व नगराध्यक्षसुद्धा मी होतो असा त्यांनी अभिमान व्यक्त केला.

एकनाथ शिंदे हे आपले नेते आहेत यापूर्वी बाळासाहेब ठाकरे असताना शिवसेना वेगळी होती?आता ती एकनाथ शिंदेंच्या काळात मुस्लिम-हिंदू एकतेचा पुरस्कार करणारी आहे. त्यामुळे मी जसा एकनाथ शिंदे वर विश्वास ठेवला तसाच तुम्ही त्यांच्या शिवसेनेवर व त्यांच्या उमेदवारावर विश्वास ठेवून सना पटेल यांना विजय करून एकनाथ शिंदे यांना पाठिंबा द्यावा कारण त्यांनी लाडक्या बहिणींना एसटीच्या भाड्यामध्ये सवलत आणि लाडकी बहीण योजना राज्यात आणली आहे तसेच नगर विकास खाते सुद्धा त्यांच्याकडेच आहे व त्यांच्याकडे विकासाची चावी आहे व उमेदवाराला त्यांनी सांगितले तुम्ही स्वतःला कमकुवत समजू नका कारण तुमच्याकडे एकनाथ शिंदे सारखा नेता आहे.